Dekabrın 13-də Mingəçevir Dövlət Universitetində (MDU) “Yeni dövrdə təhsil və tədqiqat fəaliyyəti: reallıqlar və çağırışlar” mövzusunda II beynəlxalq elmi konfrans (ISCERA 2024) keçirilib.
Plenar iclasda Azərbaycan Dövlət Pedaqoji Universitetinin kafedra müdiri, professor Müseyib İlyasov “Ali pedaqoji təhsildə səriştə əsaslı kadr hazırlığı üzrə işin təşkili”, Qazi Universitetinin professoru Pınar Bilasa “Təhsil və tədqiqat fəaliyyətlərində milli və beynəlxalq təcrübənin inteqrasiyası”, AMEA-nın Dilçilik İnstitutunun şöbə müdiri, professor İsmayıl Kazimov “Ali məktəblərdə tələbələrin tədqiqatçılıq bacarığının formalaşdırılması yolları”, Elm və Təhsil Nazirliyinin İqtisadiyyat İnstitutunun şöbə müdiri, dosent Allahyar Muradov “Təhsilin inkişafının və bilik iqtisadiyyatı quruculuğunun tənzimləyici amilləri: müasir çağırışlar və mövcud imkanlar”, Mingəçevir Dövlət Universitetinin kafedra müdiri, dosent Mehdi Rəhimov “Müasir universitetlər XXI əsrdə: ali təhsilin gələcəyinə bir baxış” mövzusunda məruzələrlə çıxış ediblər.
Məruzələr ətrafında maraqlı elmi müzakirələr aparılıb.
