Azərbaycan Həmkarlar İttifaqları Konfederasiyasının Azərbaycan Əmək və Sosial Münasibətlər Akademiyanın və Azərbaycan Təhsil İşçiləri Azad Həmkarlar İttifaqıları Respublika Komitəsinin birgə təşkilatçılığı ilə həmkarlar ittifqaları təşkilatlarının sədrləri üçün “Sosial təminat qanunvericiliyinin tətbiqi problemləri” adlı ixtisasartırma təlimləri keçirilib.
Təlimlərdə Elm və Təhsil Nazirliyinin İqtisadiyyat İnstitutunun “İnklüziv sosial inkişaf” şöbəsinin müdiri, iqtisad elmləri doktoru, professor Rəsmiyyə Abdullayeva və həmin şöbənin aparıcı elmi işçisi, iqtisad üzrə fəlsəfə doktoru Vəfa Həşimova təlimçi kimi iştirak ediblər.
R.Abdullayeva “İnklüziv sosial müdafiə. Sosial siyasət”, “Sosial xidmət: çətin həyat şəraitində olan şəxslərin dairəsi, sosial xidmətin forma və növləri”, “İcbari tibbi sığorta”, “Tibbi yardımın növləri. Sanotoriya-kurort müalicəsi”, “Tibbi, sosial və peşə-əmək reabilitasiyası”, V.Həşimova isə “Sosial təminat qanunvericiliyinin ümumi anlayışları, normativ aktlar və subyektlər”, “Məcburi dövlət sosial sığortası”, “Ailə, qadın və uşaqlara verilən sosial müavinətlərin növləri, şərtləri və məbləği. Ünvanlı dövlət sosial yardımı” mövzularında təlim veriblər.
Təlimlərin sonunda iştirakçılara sertifikatları Azərbaycan Təhsil İşçiləri Azad Həmkarlar İttifaqının sədr müavini Mirzə Cəfərzadə, şöbə müdiri Nigar Hacıyeva, Azərbaycan Əmək və Sosial Münasibətlər Akademiyasının rektoru vəzifəsini icra edən dosent Yusif Ağayev və professor Rəsmiyyə Abdullayeva təqdim ediblər.
