Azərbaycan Respublikası Elm və Təhsil Nazirliyi yanında İqtisadiyyat İnstitutunun və “Naxçıvan” Universitetinin birgə təşkilatçılığı ilə 14 oktyabr 2022-ci il tarixində “Naxçıvan Muxtar Respublikasının gələcək iqtisadi inkişaf prioritetləri” mövzusunda respublika elmi konfransı keçiriləcək.
“Naxçıvan” Universitetində keçirilməsi nəzərdə tutulan konfransın məqsədi Muxtar Respublikada gələcəkdə də sosial-iqtisadi inkişafın dayanıqlığını qoruyub saxlamaq naminə iqtisadi araşdırmaların nəticələrini müzakirə etməkdir.
Elmi əməkdaşlar konfransda iştiraka davət olunurlar.
Məqalələrin qəbulu qaydaları:
- Yuxarı sol küncdə məqalənin mənsubiyyəti göstərilməlidir.
- Məqalənin sərlövhəsi böyük hərflərlə, “Bold” şrift formatında yazılmalıdır.
- Sərlövhənin yuxarı sağ küncündə böyük və qara hərflərlə müəllifin adı və soyadı, ardıcıl olaraq aşağı sətirlərdə tutduğu vəzifə, elmi dərəcə və mənsub olduğu müəssisə göstərilməli, sonda e-poçt ünvanı qeyd olunmalıdır.
- Sərlövhənin alt, mətnin yuxarı hissəsində kursivlə Azərbaycan dilində, ədəbiyyat siyahısından sonra isə rus və ingilis dillərində 100-150 sözdən ibarət xülasə, beş sözdən ibarət açar sözlər yazılmalıdır.
- Məqalənin mətni A4 formatda “Times New Roman” şriftlə, 12 ölçüdə, 1 intervalla, hər tərəfdən 2 sm aralıqla hazırlanıb elmieserler@nu.edu.az e-poçt ünvanına 10.10.2022 tarixinədək göndərilməlidir.
- Konfransa göndəriləcək məqalələrin ödənişsiz dərc olunması nəzərdə tutulmuşdur.
- Konfransın materialları toplu halında nəşr ediləcək.
