İqtisadiyyat İnstitutunun alimləri Bişkekdə keçirilən beynəlxalq konfransda məruzə ilə çıxış edəcəklər
İyunun 8-9-da Qırğızstanın paytaxtı Bişkek şəhərində “Avrasiya İqtisadi İttifaqı ölkələrinin inteqrasiyalı inkişafı imkanları - tədqiqatçıların və ekspertlərin dialoqu" adlı beynəlxalq elmi-praktiki konfrans keçiriləcək. Qırğızstan Milli Elmlər Akademiyası İqtisadiyyat İnstitutu və MDB Ölkələri Dövlətlərarası Humanitar Əməkdaşlıq Fondunun təşkilatçılığı ilə keçirilən tədbirdə AMEA İqtisadiyyat İnstitutunun aparıcı elmi işçiləri - i.f.d. Mahir Zeynalov və i.f.d. Ramil Əliyev də iştirak edəcəklər. İyunun 7-də Bişkekə gələn alimlərimiz konfransda məruzə ilə çıxış edəcəklər. Konfransa Rusiya, Qazaxstan, Azərbaycan, Belarus, Tajigistan, Qırğızstandan nümayəndələr qatılacaq (economics.com.az).
