Martın 4-də İqtisadiyyat İnstitutunda i.e.d. Möhübbət Hüseynovun sədrliyi ilə 5311.01 – “Müəssisələrin təşkili və idarə olunması” ixtisası üzrə elmi seminar keçirilmişdir.
Seminarda Azərbaycan Texnologiya Universitetinin doktorantı Şəhla Yasin qızı Əliyevanın iqtisad üzrə fəlsəfə doktoru elmi dərəcəsi almaq üçün təqdim etdiyi “Yüngül sənaye sahəsində investisiya siyasətinin müasir istiqamətləri” mövzusunda dissertasiya işinin müzakirəsi aparılmışdır.
İddiaçı dissertasiya işinin əsas məzmunu ətrafında geniş təqdimatla çıxış edib. Sonra iş üzrə təyin olunmuş rəyçilərin rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə müdafiə mərhələsinə tövsiyə olunub (economics.org.az).
