Aprelin 4-də ETN İqtisadiyyat İnstitutunun Dissertasiya Şurasının iclasında Odlar Yurdu Universitetinin doktorantı Zeynalabdin Arif oğlu Ələkbərovun 5312.01- “Sahə iqtisadiyyatı” ixtisası üzrə iqtisad üzrə fəlsəfə doktoru elmi dərəcəsi almaq üçün təqdim etdiyi “Sənaye sahələrinin innovasiyalaşdırılmasının maliyyə problemləri və həlli istiqamətləri” mövzusunda dissertasiya işinin müzakirəsi aparılmışdır.
Professor Nazim Müzəffərlinin (İmanovun) sədrliyi ilə keçirilən iclasda iddiaçı Z.Ələkbərov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
