Azərbaycan Milli Elmlər Akademiyası (AMEA) və Türkiyə Elmi və Texnoloji Tədqiqat Şurasının (TÜBİTAK) əməkdaşlığı üzrə Müştərək Proqram çərçivəsində yeni layihə müsabiqəsi elan edilir.
AMEA-nın elmi müəssisələrinin əməkdaşları Türkiyənin universitetləri, tədqiqat mərkəzləri və institutlarından olan həmkarları ilə birlikdə ingilis dilində hazırlanmış layihələrini müvafiq olaraq AMEA-ya və TÜBİTAK-a təqdim etməlidirlər.
Layihə təklifləri 7 mart 2021-ci il tarixinə qədər AMEA Rəyasət Heyəti aparatının Beynəlxalq əlaqələr idarəsi tərəfindən qəbul edilir.
Müsabiqə haqqında ətraflı məlumat və ərizə formaları üçün AMEA Rəyasət Heyəti aparatının Beynəlxalq əlaqələr idarəsinə (Elçin Seyfullayevə - Tel. (iş): 0124925493; (mob.) 0554901039; Email: e.seyfullayev@mail.ru) müraciət edilə bilər.
